window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-173146490-1');
البارحة كنت انشد انغام التفاؤل البارحة كنت اعطي دروس في الحوار البارحة كنت اقول سلاحنا لائحة مفاتيح البارحة كنت اصر انه علينا محاورة الجميع البارحة  كنت اقول: فمن رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان البارحة كان البارحة اما اليوم فانني قطعت عهدا لن اسكت بعد اليوم فحذاري ايها الاصدقاء انا قادم اصبح الان الشعب السوري مقسوم الى ثلاث فئات: موالي معارض والثالث باحسن الاحوال مطنش… اما الموالي فهو صديق يعاني من متلازمة استوكهولم  » لا تقل لي لا فعندما نكون في الداخل لا نعي ذلك » اما المعرض فهو صديق ضربوا عندو الفيوزات على الضغط و الله يجيرنا من بعدين لا يعبدنا العجل و اخيرا حطنا الجمال على عتبة ابو طناش……. هاها سنحدث ولا حرج… انو يعني يا صديقي المطنش بحياتك ما درست بالمدرسة و اخدت دروس فتوة و تربية قومية او شفت في كتب العلم والدين الاستشهاد باقوال الرئيس…هادا الواجهة العلمية؟؟ بحياتك ما شفت ابن مسؤول عم يشفط و يمشي السيارة بالعرض « اي ولد صغير ما بيفهم… » و بعد 15 سنة صار الصغير بغل و اسا عم يشفط هادا الوجه الحضاري….؟؟؟؟؟ بحياتك ما شفت ابت…. مسؤول عزم حالو بدون خبر على شي حفلة خاصة لانو بيعرف انو في بنيات حلوة…. هادا وجه التأخي…..؟؟؟؟ عمرك ما شفت واحد عم ياكل قتل من المرافقة لانو زعج المعلم بالسواقة…..هادا وجه التسامح؟؟؟ عمرك ما فتت على دائرة و كنت رح تبوس….. ايادي الموظفين لما يعرقلوا معاملت اللي هي اصلا نظامية الف بالمية بس ما حدا بيعرف…. هادا وجه التعامل الطيب….؟؟؟ بحياتك ما رحت على فرع ما من شان الهوية او الجواز و قبل ما تحط اجرك اتصلت بامة الله و خلصت عند المساعد ابو زياد لتتاكد انك رح تطلع من عندون هادا وجه الضيافة…..؟؟؟؟؟؟ ما بيضل قلبك قابض لتقطع الامن بالمطار و تقعد بكرسيك بالطيارة و تقلع المضروبة حتى تعرف انو بيحقلك تترك البلد…. هادا وجه الارتباط؟؟؟؟؟؟ اذا اجوا الاخوان برأيك ان كنت مسيحي سني شيعي علوي درزي كافر مؤمن مطنش متلك راح تاكلوا هوا كلكون متل بعض ولا لا؟؟؟؟؟؟ كان عندك رفقة و اصحاب, كلون راح يثيروا سلفيين بقدرة قادر….؟؟؟؟؟؟ ببى على شو خايف على هالتحفة اللي عايش فيها…؟؟؟؟؟ قوم انضرب خود محلك ببلدك اذا ما بدك حدا يحطك محل ما هو بيريد ان تكون موالي او معارض فانت ضد نظام اما ان تكون مطنش فانت ضد البلد قوووووم يلعما شو بضلا
Mis à jour : 6 juin 2011 à 15:18
Catégories : Divagations

0 commentaire

Laisser un commentaire

Votre adresse e-mail ne sera pas publiée. Les champs obligatoires sont indiqués avec *